Vande Gujarat News
Breaking News
AhmedabadBreaking NewsDevelopmentGovtGujarat

અમદાવાદમાં ઝરમર વરસાદમાં સમી સાંજે સાબરમતીના નવા પુલ પર ફર્સ્ટટાઈમ મેટ્રો ટ્રેન નો ટ્રાયલ કરવામાં આવ્યો

અમદાવાદમાં ઝરમર વરસાદમાં સમી સાંજે સાબરમતીના નવા પુલ પર ફર્સ્ટટાઈમ મેટ્રો ટ્રેન નો ટ્રાયલ કરવામાં આવ્યો

અમદાવાદમાં આગામી ઓગસ્ટ મહિનામાં મેટ્રો રેલ ફેઝ 1 ના થલતેજથી વસ્ત્રાલ સુધી મેટ્રો ટ્રેન શરૂ કરવાની તૈયારી કરવામાં આવી રહી છે . આજે ગુજરાત મેટ્રો રેલ કોર્પોરેશન દ્વારા થલતેજથી કાંકરિયા સુધીના રૂટ પર મેટ્રો ટ્રેનનો ટ્રાયલ રન કરવામાં આવ્યો હતો . સાબરમતી નદી પરથી મેટ્રો ટ્રેન પસાર થઈ હતી , જેનો વીડિયો નાગરિકે સોશિયલ મીડિયામાં વાઇરલ કર્યો છે . મેટ્રો ટ્રેનનો ટ્રાયલ રન શરૂ કરી દેવામાં આવતાં આગામી મહિને થલતેજથી વસ્ત્રાલ સુધી મેટ્રો ટ્રેન શરૂ થાય એવી પૂરી શક્યતા છે . વસ્ત્રાલથી થલતેજના રૂટમાં 6.53 કિમી અંડરગ્રાઉન્ડ રૂટ ઈસ્ટ – વેસ્ટ કોરિડોરમાં વસ્ત્રાલ ગામથી થલતેજ ગામ સુધીનો 21.16 કિમીનો રૂટ તૈયાર કરવામાં આવ્યો છે , જેમાં 6.53 કિમી અંડરગ્રાઉન્ડ રૂટ પર મેટ્રો ટ્રેન દોડશે . અંડરગ્રાઉન્ડ રૂટમાં કુલ ચાર સ્ટેશનો તૈયાર કરવામાં આવ્યાં છે , જેમાં કાંકરિયા વેસ્ટ , કાલુપુર રેલવે સ્ટેશન , ઘીકાંટા અને શાહપુરથી સાબરમતી રિવરફ્રન્ટ સુધી અંડરગ્રાઉન્ડ રૂટ છે , જે પછી સાબરમતી નદી પર થઈને એલિવેડેટ કોરિડોરમાં જૂની હાઈકોર્ટ ઈન્કમટેક્સ સ્ટેશન સુધી પહોંચશે .

માત્ર 7 મિનિટમાં જ કાંકરિયા પહોંચી જવાશે મેટ્રો ટ્રેન શાહપુર દરવાજાથી કાંકરિયા પૂર્વ સુધી અન્ડરગ્રાઉન્ડ 6.5 કિલોમીટર દોડવાની છે . આ અન્ડરગ્રાઉન્ડ ટનલમાં શાહપુર , ઘીકાંટા , કાલુપુર અને કાંકરિયા પૂર્વ એમ કુલ 4 સ્ટેશન આવશે . હાલના સમયમાં જો વાહન લઈને શાહપુરથી કાંકરિયા જવું હોય તો દિલ્લી દરવાજા , કાલુપુર , સારંગપુર અને કાંકરિયા ઝુ તરફ જતા 30 મિનિટ થાય , પરંતુ મેટ્રો ટ્રેનમાં માત્ર 7 મિનિટમાં જ કાંકરિયા પહોંચી જવાશે . ટ્રેનના પાટાથી લઇ ટનલની મોટા ભાગની કામગીરી પૂર્ણ થઈ ગયેલી દેખાય છે .

નદી ઉપરથી અને અન્ડરગ્રાઉન્ડમાંથી પસાર થશે અમદાવાદમાં દોડનારી મેટ્રો ટ્રેનનો પહેલો ફેઝ 40 કિલોમીટરનો છે , જેમાં પૂર્વ અને પશ્ચિમ તેમજ ઉત્તર અને દક્ષિણ એમ બે કોરિડોર પર મેટ્રો ટ્રેન દોડશે . ફેઝ -1 માં 32 સ્ટેશનનો સમાવેશ કરવામાં આવ્યો છે . ઉત્તર અને દક્ષિણ કોરિડોર 18.87 કિલોમીટરનો રહેશે , જે વાસણા APMC થી લઈને મોટેરા ગામ સુધીનો છે , જેમાં 15 સ્ટેશન આવે છે . પૂર્વ અને પશ્ચિમ કોરિડોર 21.16 કિલોમીટરનો છે , જે થલતેજ ગામથી લઈને વસ્ત્રાલ એપરલ પાર્ક સુધીનો છે .21 કિલોમીટર લાંબા આ કોરિડોરની ખાસિયત એ છે કે મેટ્રો ટ્રેન નદીની ઉપરથી પસાર થાય છે અને શહેરના ભરચક ટ્રાફિક વિસ્તારની નીચેથી ટ્રેન પસાર થઈને કાંકરીયા પૂર્વમાં બહાર નીકળશે .

ટનલમાં આવતાં સ્ટેશન પર પ્લેટફોર્મ સ્ક્રીન ડોર લગાવાયા મેટ્રોનાં તમામ સ્ટેશનો પર પેસેન્જરોની સુરક્ષાને ધ્યાનમાં રાખીને પ્લેટફોર્મ અને ટ્રેક વચ્ચે પ્લેટફોર્મ સ્ક્રીન ડોર તેમજ પ્લેટફોર્મ સ્ક્રીન ગેટ લગાવવામાં આવશે , જેમાં ટનલ એટલે કે અંડરગ્રાઉન્ડ રૂટમાં તૈયાર થનારાં ચારે સ્ટેશન પર ફુલ હાઈટના પ્લેટફોર્મ સ્ક્રીન ડોર ( પીડીએસ ) લગાવવામાં આવી રહ્યા છે , જ્યારે એલિવેટેડ કોરિડોરમાં તૈયાર થનારાં અન્ય તમામ સ્ટેશન પર અડધી હાઈટના પ્લેટફોર્મ સ્ક્રીન ગેટ ( પીએસજી ) લગાવવામાં આવી રહ્યા છે .

संबंधित पोस्ट

ગૃહ વિભાગે સૌથી મોટી કાર્યવાહી કરી બરવાળા કેમિકલ કાંડને લઈને કેટલાક ઉચ્ચ પોલીસ અધિકારીઓને સસ્પેન્ડ કરાયા

Vande Gujarat News

ઇટલીના દંપતિએ માઇક્રોસેફાલીથી પિડાતા 2 વર્ષના બાળકને દત્તક લીધું

Vande Gujarat News

કોરોના સમયમાં બેન્કોના હપ્તા ન ભરી શકતા લોનધારકોને રાહત, બે કરોડ સુધીની લોન પર વ્યાજનું વ્યાજ માફ

Vande Gujarat News

बंगालः शुभेंदु के बाद एक और मंत्री ने TMC नेतृत्व पर बोला हमला, ‘चाटुकारों को आगे बढ़ाया जा रहा’

Vande Gujarat News

તબીબી સ્ટાફ પણ મુશ્કેલીના સમયમાં રેસ્ક્યુ કામગીરી કરી શકે તે હેતુસર ભરૂચ નગરપાલિકાના સહયોગથી વેલ્ફેર હોસ્પિટલના સ્ટાફને ફાયર સેફટીની ટ્રેનિંગ હોસ્પિટલ સંકુલમાં આપવામાં આવી..

Vande Gujarat News

પુલવામા હુમલો અમે જ કરાવ્યો હતો : પાકિસ્તાનના મંત્રીનો એકરાર

Vande Gujarat News