SL Vs AFG: શ્રીલંકા સામેની પ્રથમ વન-ડેમાં અફઘાનિસ્તાને નોંધાવી જીત

SL vs AFG: અફઘાનિસ્તાન ક્રિકેટ ટીમે તેમના શ્રીલંકા પ્રવાસની સારી શરૂઆત કરી છે. પ્રથમ વનડેમાં અફઘાનિસ્તાને શ્રીલંકાને 60 રનના માર્જીનથી હરાવ્યું હતું અને ત્રણ મેચની શ્રેણીમાં 1-0ની લીડ મેળવી હતી. અફઘાનિસ્તાને પ્રથમ બેટિંગ કરતા 294 રન બનાવ્યા હતા જેના જવાબમાં શ્રીલંકાની આખી ટીમ 38 ઓવરમાં 234 રનમાં ઓલઆઉટ થઈ ગઈ હતી. શાનદાર સદી ફટકારનાર અફઘાનિસ્તાનના ઓપનર ઈબ્રાહિમ ઝદરાનને મેન ઓફ ધ મેચ જાહેર કરવામાં આવ્યો છે.

પ્રથમ બેટિંગ કરતા અફઘાનિસ્તાને 84 રનની ઓપનિંગ ભાગીદારી નોંધાવી હતી જેમાં રહેમાનુલ્લા ગુરબાઝે 53 રનનું યોગદાન આપ્યું હતું. બીજા ઓપનર ઈબ્રાહિમ ઝદરાને એક છેડો જાળવી રાખ્યો હતો અને ત્યારબાદ રહમત શાહ (52) સાથે બીજી વિકેટ માટે 118 રનની ભાગીદારી કરી હતી. નજીબુલ્લાહ ઝદરાને 25 બોલમાં 42 રનની ઝડપી ઇનિંગ રમી હતી. ઈબ્રાહિમ 120 બોલમાં 106 રન બનાવીને આઉટ થયો હતો. આ તેની વન-ડે કારકિર્દીની બીજી સદી છે.

સ્કોરનો પીછો કરતા શ્રીલંકાએ 35 રનમાં બે વિકેટ ગુમાવી દીધી હતી અને ત્યારબાદ વારંવાર અંતરાલ પર વિકેટ ગુમાવવાનું ચાલુ રાખ્યું હતું. ઓપનર પથુમ નિસાન્કાએ 85 રનની શાનદાર ઇનિંગ રમી હતી, પરંતુ જ્યારે તેની વિકેટ પડી ત્યારે શ્રીલંકાના સ્કોર છ વિકેટના નુકસાને 168 રન હતા. વનિન્દુ હસરંગાએ અંતમાં એકલા હાથે લડત આપી, તેણે 46 બોલમાં 66 રન બનાવ્યા, પરંતુ તેની ટીમને જીતની નજીક લઈ જઈ શક્યો નહીં. અફઘાનિસ્તાન સામે ફઝલહક ફારૂકીએ સૌથી વધુ ચાર વિકેટ લીધી હતી. ગુલબદ્દીન નાયબે પણ ત્રણ વિકેટ ઝડપી હતી

ન્યૂઝીલેન્ડે શુક્રવારે ત્રણ મેચની શ્રેણીની પ્રથમ વનડેમાં ભારતને સાત વિકેટે હરાવ્યું હતું. પ્રથમ બેટિંગ કરતા ભારતે સાત વિકેટે 306 રન બનાવ્યા હતા. જવાબમાં ન્યૂઝીલેન્ડે 47.1 ઓવરમાં ત્રણ વિકેટે 309 રન બનાવીને જીત મેળવી હતી. ન્યૂઝીલેન્ડના વિકેટકીપર ટોમ લાથમે 104 બોલમાં અણનમ 145 રનની આક્રમક સદીની ઈનિંગ રમીને મેચનો માહોલ બદલી નાખ્યો હતો. કેપ્ટન કેન વિલિયમસને પણ અણનમ 94 રન બનાવ્યા હતા.

ભારત તરફથી ડેબ્યૂ કરનાર ઉમરાન મલિકે 10 ઓવરમાં 66 રન આપીને બે વિકેટ ચોક્કસપણે લીધી હતી. સ્પિનર ​​યુઝવેન્દ્રને કોઈ વિકેટ મળી ન હતી.