Vande Gujarat News
Breaking News
GujaratRajkot

૪૨ કરોડના ખર્ચે નિર્માણ પામેલ લક્ષ્મીનગર બ્રિજને હજુ ૧૧ માસ થયા ત્યાં જોઇન્ટ્સમાંથી પાણી ટપકવાની ફરિયાદ

જૂના રાજકોટ અને નવા રાજકોટને જોડતા લક્ષ્મીનગરના નાલા પર કોર્પોરેશને 42 કરોડ રૂપિયાના ખર્ચે અન્ડરબ્રિજ બનાવ્યો છે. જેનું લોકાર્પણ ગત 26મી જાન્યુઆરીના રોજ મુખ્યમંત્રી ભૂ5ેન્દ્રભાઇ પટેલના હસ્તે કરવામાં આવ્યું હતું. આ બ્રિજને સીએસડી જનરલ બિપીન રાવત નામ આપવામાં આવ્યું છે. 11 માસ પૂર્વે ખૂલ્લા મૂકાયેલા બ્રિજમાં પાણી ટપકી રહ્યું છે. જો કે, અધિકારીઓ એવો દાવો કરી રહ્યાં છે કે ગર્ડરના જોઇન્ટ્સમાંથી પાણી ટપકી રહ્યું છે. જે ટેકનિકલ ફોલ્ટ છે. ચિંતાનો કોઇ મોટો વિષય નથી. રેલવે વિભાગ દ્વારા ભક્તિનગર સ્ટેશન ખાતે નવા પ્લેટફોર્મનું નિર્માણ કરવામાં આવી રહ્યું છે. જેના બાંધકામ માટે પાણીનો વપરાશ વધુ રહે છે. આટલું જ નહિં સિમેન્ટના બાંધકામ પર સતત પાણીનો છંટકાવ કરવામાં આવતો હોવાના કારણે લક્ષ્મીનગર બ્રિજની છત પરથી અલગ-અલગ ત્રણ જગ્યાએ પાણી ટપકતું હોવાની સંભાવના જણાય રહી છે. 42 કરોડના ખર્ચે બનેલા અને 11 માસ પૂર્વે વાહન ચાલકો માટે ખૂલ્લો મૂકવામાં આવેલા બ્રિજમાં અલગ-અલગ ત્રણ સ્થળેથી પાણી ટપકતું હોવાની ફરિયાદ ઉઠતા આજે કોર્પોરેશનના અધિકારીઓની ટીમ સ્થળ પર દોડી ગઇ હતી. હજુ કોન્ટ્રાક્ટર પર મેઇન્ટેન્શન્સની જવાબદારી હોવાના કારણે તેને પણ આ લીકેજ અંગે જાણ કરી દેવામાં આવી છે અને તાત્કાલીક અસરથી લીકેજ બંધ થાય તે માટે કામગીરી કરવા સૂચના આપવામાં આવી હોવાનું જાણવા મળી રહ્યું છે. અધિકારીઓ એવો પણ દાવો કરી રહ્યાં છે કે જોઇન્ટ પર ગમે તેટલી વોટર પ્રૂફીંગ માટેની કામગીરી કરવામાં આવે તો પણ જ્યારે પાણીનો ભરાવો વધુ થતો હોય ત્યારે સામાન્ય લીકેજની ઘટના બનતી હોય છે. આ એક ટેકનિકલ વિષય છે. જેમાં મોટી ચિંતા કરવા જેવું નથી. બ્રિજની ઉપર હાલ રેલવે વિભાગ દ્વારા જે બાંધકામ ચાલી રહ્યું છે તે બંધ થતાંની સાથે જ આપોઆપ લીકેજ બંધ થઇ જશે. છતાં બ્રિજના કોન્ટ્રાક્ટરને લીકેજ અંગે જાણ કરી તાત્કાલીક રિપેરીંગની સૂચના આપવામાં આવી છે.

संबंधित पोस्ट

વલસાડમાં પરેશ રાવલે મોદી સરકારના ભરપેટ વખાણ કરી રાહુલ ગાંધી અરવિંદ કેઝરીવાલ પર આકરા પ્રહાર કર્યા

Vande Gujarat News

ઝઘડીયાના ફુલવાડીમાં ઘરે સૂતેલા પુત્રને સર્પે દંશ દીધો, પુત્રની ચિંતામાં માતાનું એટેકથી મોત

Vande Gujarat News

આજરોજ રોટરી ક્લબ ઓફ ભરુચ ધ્વારા શરુ કરાયેલ કલીનીક ઓન વ્હીલ કાર્યક્રમ ની પુર્ણાહુતિ કરવામાં આવી

Vande Gujarat News

શ્રી ગણેશ ખાંડ ઉદ્યોગ સહકારી મંડળી લિમિટેડ વટારીયા દ્વારા શેરડી કાપણી માટે સુગરકેન હાર્વેસ્ટર અને ઇન્ફીલ્ડર મશીન કાર્યરત કરવામાં આવ્યું.

Vande Gujarat News

પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે એનસીસી કેડેટ્સ દ્વારા સફાઈ અભિયાન હાથ ધરાયું

Vande Gujarat News

વડોદરા શહેર બીજેપી દ્વારા સયાજીગંજ ખાતેના મુખ્ય કાર્યાલયમાં મીડિયા વર્કશોપ યોજાયો…

Vande Gujarat News