Vande Gujarat News
Breaking News
Gujarat Vadodara

ભાજપા પ્રદેશ અધ્યક્ષ સી.આર.પાટીલની અધ્યક્ષતામાં વિધાનસભા પેટા ચૂંટણી અંતર્ગત કરજણ ખાતે મહત્વપૂર્ણ બેઠક યોજાઈ.

આજરોજ ભાજપા પ્રદેશ અધ્યક્ષ સી.આર.પાટીલની અધ્યક્ષતામાં આગામી વિધાનસભા પેટા ચૂંટણી અંતર્ગત કરજણ ખાતે ભાજપાની મહત્વપૂર્ણ બેઠક યોજાઇ. આ બેઠકમાં આ ગૃહરાજ્ય મંત્રી પ્રદીપસિંહ જાડેજા,પ્રદેશ મહામંત્રી અને કરજણ વિધાનસભાના ઈન્ચાર્જ શબ્દશરણભાઈ બ્રહ્મભટ્ટ,વિધાનસભા પેટા ચૂંટણીના પ્રદેશ ઈન્ચાર્જ અને પ્રદેશ ઉપાધ્યક્ષ ભાર્ગવભાઇ ભટ્ટ તથા વડોદરા જિલ્લા પ્રમુખ દિલુભા ચુડાસમા સહિતના હોદ્દેદારો અને ભાજપા અગ્રણીઓ ઉપસ્થિત રહ્યા હતા.
પ્રદેશ સંગઠન મહામંત્રી ભીખુભાઇ દલસાણીયા તેમજ વિધાનસભા પેટા ચૂંટણીના પ્રદેશ ઈન્ચાર્જ અને પૂર્વ મંત્રી શંકરભાઇ ચૌધરીની વિશેષ ઉપસ્થિતિમાં મોરબી ખાતે વિધાનસભા પેટા ચૂંટણી અન્વયે ભાજપાના ઉમેદવાર બ્રિજેશભાઈ મેરજાના વિજયને સુનિશ્ચિત બનાવવા ભાજપા કાર્યકર્તાઓની બેઠક યોજાઈ.આ બેઠકમાં મોરબી વિધાનસભાના ઇન્ચાર્જઓ રાજ્ય સરકારના કેબિનેટ મંત્રી સૌરભભાઈ પટેલ અને પ્રદેશ ઉપાધ્યક્ષ આઈ.કે.જાડેજા, સાંસદો મોહનભાઇ કુંડારિયા,પૂનમબેન માડમ,નરહરિ અમીન,મોરબી જિલ્લા પ્રમુખ રાઘવજીભાઈ પટેલ,રાજકોટ મહાનગર ભાજપા પ્રમુખ કમલેશભાઈ મીરાણી, રાજકોટ જિલ્લા ભાજપા પ્રમુખ ડી.કે.સખીયા સહિતના હોદ્દેદારઓ,ભાજપા અગ્રણીઓ અને કાર્યકર્તાઓ ઉપસ્થિત રહ્યા હતા.
ભાજપા પ્રદેશ અધ્યક્ષ સી.આર.પાટીલે કરજણ ખાતે તેમના સંબોધનમાં જણાવ્યું હતું કે, વિધાનસભા પેટા ચૂંટણીના પડઘમ વાગી ચુક્યા છે, ભાજપાના કાર્યકર્તાઓ ઉત્સાહ અને આત્મવિશ્વાસ સાથે તેમની ફરજ નિભાવી રહ્યા છે ત્યારે કેન્દ્ર અને રાજ્યની ભાજપા સરકારની જન કલ્યાણકારી નીતિઓ, પ્રજાલક્ષી કાર્યો, સંગઠનના કાર્યકર્તાઓના પરિશ્રમ અને બુથ સુધીના માઈક્રો પ્લાનિંગ અને વ્યવસ્થાપનના આધારે આ ચૂંટણીમાં કરજણના ભાજપાના ઉમેદવાર અક્ષયભાઈ પટેલ સહિત અન્ય બેઠકોમાં પણ ભાજપાના વિજયને નિશ્ચિત બનાવીશું.પાટીલે આગામી વિધાનસભા પેટા ચૂંટણીના અનુસંધાને વિવિધ મુદ્દે છણાવટ કરી ચુંટણી વ્યવસ્થાને લાગતા જરૂરી સૂચનો કરી માર્ગદર્શન આપ્યું હતું.
પ્રદેશ સંગઠન મહામંત્રી ભીખુભાઇ દલસાણીયા તેમજ વિધાનસભા પેટ ચૂંટણીના પ્રદેશ ઇન્ચાર્જ અને પૂર્વ મંત્રી શંકરભાઇ ચૌધરીએ મોરબી ખાતેની બેઠકમાં તેમજ પ્રદેશ મહામંત્રી અને કરજણ વિધાનસભાના ઇન્ચાર્જ શબ્દશરણભાઈ બ્રહ્મભટ્ટ,વિધાનસભા પેટા ચૂંટણીના પ્રદેશ ઇન્ચાર્જ અને પ્રદેશ ઉપાધ્યક્ષ ભાર્ગવભાઇ ભટ્ટે કરજણ ખાતે યોજાયેલી આજની ભાજપાની બેઠકમાં ઉપસ્થિત સૌને આગામી પેટા ચૂંટણીના સંદર્ભમાં સંગઠનલક્ષી જરૂરી માર્ગદર્શન આપ્યું હતું.

संबंधित पोस्ट

ગુજરાતમાં લોન્ચ કરવામાં આવેલ e-FRIના માધ્યમથી રાજયના નાગરિકોને પોલીસ વિભાગની વધુ સારી સેવા – વ્યવસ્થાનો લાભ મળશે – ગૃહ રાજયમંત્રીશ્રી હર્ષ સંઘવી

Vande Gujarat News

નિઝરના ડાબરી આંબા ફળિયાના રહીશોએ સ્મશાને પહોંચવા ઠાઠડી સાથે નદી ઓળંગી

Vande Gujarat News

5 વર્ષમાં ચૂંટણીખર્ચ સવા ગણો, મથક દીઠ હવે રૂ.25,000નું બજેટ

Vande Gujarat News

2.50 લાખ નર્મદા પરિક્રમાવાસીઓની સમસ્યાનો અંત, લુવારા નજીક 12.50 કરોડના ખર્ચે જેટી તથા વિશ્રામગૃહનું નિર્માણ, ધારાસભ્ય અરુણસિંહ રણાની હાજરીમાં સ્વામી ગિરિશાનંદ સરસ્વતીના હસ્તે લોકાર્પણ

Vande Gujarat News

જંબુસરમાં આવેલ જુમ્મા મસ્જિદ વિસ્તારમાં એક મકાન ધરાશયી થતાં કોઇ જાનહાની નથી  

Vande Gujarat News

ભરૂચ:- શંકાસ્પદ દેશવિરોધી પ્રવૃત્તિ મામલે અટકાયત કરાયેલા બંને વ્યક્તિઓને મુક્ત કરાયા

Vande Gujarat News