Vande Gujarat News
Breaking News
AccidentBharuchBJPBreaking NewsCongressDharmJaagadiya

ગુમાનદેવ મંદિરના મહંત પર હૂમલાની ઘટનાને સંત સમાજે વખોડી, નિંદ્રાધીન તંત્રે ત્રણ મહિલાના ભોગ લેવાયા બાદ 24 કલાકમાં જ સ્પીડ બ્રેકર બનાવ્યાં

ઝઘડિયાના ગુમાનદેવ મંદિરના મહંત પર ટોળાએ હૂમલો કરવાની ઘટનાને સંત સમાજે વખોડી કાઢતાં ઘેરા પ્રત્યાઘાત પડ્યાં છે. અંક્લેશ્વરની હોસ્પિટલમાં સારવાર લઇ રહેલાં મહંત મનમોહનદાસજીની મુલાકાતે આવેલાં રામકુંડના મહંત ગંગાદાસ બાપુએ આક્રોશ વ્યક્ત કરતાં જણાવ્યું હતું કે, ભાજપ સરકારમાં હવે સંતો પણ સુરક્ષિત રહ્યાં નથી. જ્યારે બીજી તરફ સાંસદ મનસુખ વસાવાએ તંત્રની બેદરકારીના કારણે ઘટના બની હોવાનો આક્ષેપ કર્યો હતો.

ગુમાનદેવના મહંત મનમોહનદાસજી પર ગઇકાલે થયેલાં હૂમલા બાદ તેમને સારવાર માટે અંક્લેશ્વરની હોસ્પિટલમાં દાખલ કરવામાં આવ્યાં છે. ત્યારે તેમના ખબરઅંતર પુછવા ગુજરાત રાજ્ય સંત સમાજના સભ્ય અને રામકુંડ મંદિરના મહંત ગંગાદાસ બાપુ, સાંસદ મનસુખ વસાવા, કોંગ્રેસના આગેવાનો સહિત અન્ય સાધુ સંતો હોસ્પિટલ ખાતે ધસી આવ્યાં હતાં. ઘટનાને પગલે સંત સમાજે ભારે રોષ સાથે ભાજપ રાજમાં હવે સંતો સુરક્ષિત નથી તેવી ભાવના વ્યક્ત કરી હતી. તેમણે જણાવ્યું હતું કે, મંદિર પાસે બનેલી અકસ્માતની ઘટનામાં 3 મહિલાઓના મોત થયાંની ઘટના બાદ ટોળાએ મંદિરના કેમેરા કેમ બંધ છે તેમજ લાઇટો કેમ ચાલું નથી રાખતાં તેમ કહીં મંદિર પરિસરમાં 100થી વધુ લોકોનું ટોળું ઘુસી આવ્યાં બાદ મહંત પર હિંસક હૂમલો કર્યો હતો. જે શરમજનક ઘટના છે. સાંસદ મનસુખ વસાવાએ પણ તંત્રની બેદરકારીના કારણે જ અકસ્માત થયો હોવાનું જણાવી તંત્રના માથે માછલાં ધોયાં હતાં. ગુમાનદેવ મંદિર ના મહંત મનમોહન દાસજીની મુલાકાતે ગુજરાત પ્રદેશ કોંગ્રેસ સમિતિના મહામંત્રી, ભરૂચ જિલ્લા કોંગ્રેસ પ્રવક્તા નાઝુભાઈ ફડવાલા, અંકલેશ્વર નગર પાલિકાના વિપક્ષી નેતા ભુપેન્દ્ર જાની સહિત આગેવાનોએ મહંત મનમોહન દાસજી ની મુલાકાત લઇ તેમની તંદુરસ્તી માટે શુભેચ્છાઓ અને શુભકામનાઓ પાઠવી હતી તેમજ આ બાબતે સખત આક્રોશ વ્યક્ત કરીને ઘટનાને વખોડી હતી.

દોષિતો સામે કડક પગાં ભરવામાં આવે
ગુજરાત રાજ્ય સંત સમાજના સભ્ય એવા રામકુંડ મંદિરના મહંત ગંગાદાસ બાપુ સહીત સંતો અને મહંતો પણ સરગમ હોસ્પિટલ ખાતે દોડી આવ્યાં હતાં. મહંત મનમોહનદાસની મુલાકત લીધાં બાદ તેમણે રોષ ઠાલવતા જણાવ્યું હતું કે, ગુમાનદેવ તીર્થના મહંત મનમોહનદાસજી પર થયેલો હૂમલો પૂર્વ આયોજિત અને કાવતરાનો ભાગ હતો. ભાજપ સરકારમાં હવે સંતો પણ સુરક્ષિત રહ્યા નથી તેવો બળાપો કાઢી તેમણે ઘટનાને વખોડી કાઢી હતી અને દોષિતો સામે કડક પગલાં ભરવા માટેની માગ કરી હતી.

संबंधित पोस्ट

टीकाकरण केंद्रों पर उपस्थित लोगों को प्रधानमंत्री मोदी करेंगे संबोधित

Vande Gujarat News

રાજ્ય ફોટોગ્રાફી સ્પર્ધામાં અંકલેશ્વરનો યુવાન પ્રથમ, સાયન્સ એન્ડ ટેક્નોલોજી વિભાગે સ્પર્ધા યોજી હતી

Vande Gujarat News

અખંડ ભારત રાષ્ટ્રવાદી સેવા દળ દ્વારા “ગુજરાત સેવા રત્ન એવોર્ડ ર૦રર”  નુ આયોજન કરવામાં આવ્યું.

Vande Gujarat News

2 તબીબો 12,700 ફૂટની ઉંચાઈ પર અમરનાથ યાત્રિકોની સારવાર કરી બચાવે છે મોતના મુખમાંથી, યાત્રામાં હાર્ટ એટેકનું પ્રમાણ વધુ

Vande Gujarat News

Assembly elections: हर महीने बंगाल दौरे पर जायेंगे पीएम मोदी, ममता बनर्जी पर दबाव बनाने की कोशिश!

Vande Gujarat News

ભરૂચ શહેરમાં સવારે 9 થી રાતે 9 સુધી લકઝરી બસોને નો – એન્ટ્રી ,વાહનો થશે ડિટેઇન

Vande Gujarat News