ગુજરાતની આઠ બેઠકો પર ભાજપનો ભગવો લહેરાતા ભરૂચ જિલ્લા ભાજપ દ્વારા કરવામાં આવી ઉજવણી

ભરૂચના પાંચબત્તી ખાતે ભાજપના આગેવાનોએ એકબીજાને મીઠાઈ ખવડાવી ઉજવણી કરી

ભરત ચુડાસમા – ગુજરાત વિધાનસભાની યોજાયેલ પેટા ચુંટણીમાં તમામ આઠ બેઠકો પર ભાજપનો ભગવો લહેરાયો છે. તો બિહાર વિધાનસભાની ચુંટણીમાં પણ એન.ડી.એ ગઠબંધને સારો દેખાવ કર્યો છે. ત્યારે ભાજપમાં ખુશીનો માહોલ જોવા મળી રહ્યો છે. ભરૂચ ભાજપ દ્વારા પણ ઉજવણી કરવમાં આવી હતી.પાંચબત્તી ખાતે ભાજપના આગેવાનો અને કાર્યકરોએ એકબીજાને મીઠાઈ ખવડાવી વિજયના વધામણા લીધા હતા. આ પ્રસંગે પ્રદેશ ભાજપના મહામંત્રી ભરતસિંહ પરમાર,ધારાસભ્ય દુષ્યંત પટેલ,જીલ્લા ભાજપના નવ નિયુક્ત પ્રમુખ મારુતિસિંહ અટોદરીયા સહિતના આગેવાનો જોડાયા હતા.

અત્રે ઉલ્લેખનીય છે કે સામાન્ય રીતે ચુંટણીમાં વિજયોત્સવ ફટાકડા ફોડી મનાવવામાં આવતો હોય છે. પરંતુ આ વર્ષે કોરોના મહામારી અને પ્રદુષણનાં કારણે જાહેરમાં ફટાકડા ફોડવા પર પ્રતિબંધ છે, ત્યારે ભરૂચ જીલ્લા ભાજપ દ્વારા ફટાકડા ફોડવામાં આવ્યા ન હતા. પરંતુ એકબીજાનું મોઢું મીઠું કરી અને જીતની શાનદાર અને ભવ્ય ઉજવણી કરવામાં આવી હતી.