દિવ્યાંગ મિસ્ત્રી – નેત્રંગ-મોવી રોડ ઉપર આવેલ વેલકમ હોટલની પાસે ફોર વ્હીલ ગાડી નંબર :- જીજે-૧૯-એક્યુ-૯૭૧૯ ના ચાલકે પુરઝડપે-ગફલતભરી રીતે હંકારી આવતા સામેછેડેથી આવતી મોટરસાઈકલ નંબર :- જીજે-૧૬-સીએ-૨૧૨૬ ને ટક્કર મારતાં મોટરસાઈકલ સવાર સંજય પરષોતમભાઇ વસાવા (ઉ.૨૩) અને રણજીત નરસિંહ વસાવા (ઉ.૨૨)ને હાથ-પગ અને માથા સહિત શરીરના ભાગે ગંભીર ઇજાઓ પહોંચતા ઘટનાસ્થળ ઉપર જ શણકોઇ ગામના બંને યુવાનોના કરૂણ મોત નિપજ્યા હતા. ઘટનાના પગલે પરિવારના સભ્યો સહિત સમગ્ર શણકોઇ ગામના રહીશોમાં શોકનો માહોલ પ્રસરી જવા પામ્યો હતો. જ્યારે હસમુખ રાયસિંગ વસાવા મામુલી ઇજાઓ પહોંચતા સારવાર હેઠળ નેત્રંગ સામુહિક આરોગ્ય કેન્દ્રમાં ખસેડવામાં આવ્યો હતો. બનાવની જાણ વાયુવેગે પ્રસરતા ઘટનાસ્થળ ઉપર લોકટોળાં ઉમટી પડ્યા હતા. નેત્રંગ પોલીસે ગુનો નોંધી આગળની તપાસ હાથધરી હતી.
