ચીન સાથે ચાલી રહેલા તણાવ વચ્ચે ભારત આ સુપરસોનિક ક્રૂઝ મિસાઇલનું કરશે શક્તિ પ્રદર્શન

ચીનની સાથે ચાલી રહેલા તણાવની વચ્ચે ભારત દરેક મોર્ચે પોતાને મજબૂત કરવાના પ્રયાસ કરી રહ્યું છે. ભારતે પોતાની ત્રણેય સેનાને એલર્ટ પર રાખી છે. હવે આ મહિનાના અંત સુધીમાં બ્રહ્મોસ સુપરસોનિક ક્રૂઝ મિસાઇલની મારક ક્ષમતાનું પરીક્ષણ થશે.

ડીઆરડીઓ આ મહિનાના અંતિમ સપ્તાહ સુધી હિંદ મહાસાગર ક્ષેત્રમાં બ્રહ્મોસ મિસાઇલનું તાબડતોબ પરીક્ષણ કરશે. બ્રહ્મોસ સુપરસોનિક ક્રૂઝ મિસાઇલ દુનિયાની સૌથી ઝડપી ગતિવાળી મિસાઇલ છે.

તાજેતરમાં ડીઆરડીઓની મિસાઇલ ટેકનોલોજીની વર્તમાન સ્પીડ 298 કિલોમીટરથી વધીને 450 કિલોમીટર કરી દીધી છે. સરકારી સૂત્રોએ જણાવ્યું કે પરીક્ષણથી રક્ષા સેવાઓની મિસાઇલ ટેકનોલોજીના પ્રદર્શનમાં સુધારો કરવામાં મદદ મળશે.

ચીનની સાથે સંઘર્ષ શરૂ થયા બાદ તુરંત બ્રહ્મોસ મિસાઇલથી સજ્જ યુદ્ધ વિમાનોની એક સ્કવોડ્રનને ઉત્તર સરહદે તૈનાત કરાઇ હતી.

ગત મહિને ભારતીય નેવીએ પોતાના યુદ્ધજહાજ INS ચેન્નાઇથી 400 કિલોમીટરથી વધુ ઉંચા સમુદ્ર લક્ષ્ય પર વાર કરવાની પોતાની ક્ષમતા બતાવવા માટે બ્રહ્મોસ મિસાઇલનું પરીક્ષણ કર્યું હતુ.