Vande Gujarat News
Breaking News
AnkleshwarBharuchBreaking NewsCrimeCrimeGujarat

અંકલેશ્વરમાં પાંચ વર્ષની બાળકી સાથે દુષ્કર્મ, પિતાએ આરોપીને પતાવી દીધો

  • યુવાને બાળકીને શૌચાલયમાં લઇ જઇ પીંખી નાખી
  • પોલીસે મૃતક વિરૂદ્ધ પોક્સો-દુષ્કર્મનો ગુનો નોંધ્યો
  • હત્યાના ગુનામાં બાળકીના પિતાની ધરપકડ

અંક્લેશ્વરમાં માત્ર 5 વર્ષની બાળકીને બિસ્કીટ-ચોકલેટની લાલચ આપી પાડોશમાં જ રહેતાં એક યુવાને લઇ જઇ તેની સાથે દુષ્કર્મ આચર્યું હોવાનો ચોંકાવનારો બનાવ બન્યો છે. જોકે, પુત્રી સાથે થયેલાં દુષ્કર્મથી ક્રોધે ભરાયેલાં પિતાએ યુવાન પર પોતાનો ગુસ્સો ઉતારતાં લાકડીના સપાટા મારતાં તેનું સારવાર વેળાં મોત થયું હતું. જેના પગલે અંક્લેશ્વર સીટી પોલીસે બાળકી સાથે દુષ્કર્મનો ગુનો નોંધવા સાથે યુવાનને મોતને ઘાટ ઉતારવા સબબ પિતા સામે હત્યાનો ગુનો નોંધી તપાસ શરૂ કરી છે.

અંક્લેશ્વરના એક ગામમાં રહેતાં લાલુ રાજુ બિહારી(ભૈયા) નામના યુવાને તેના પાડોશમાં જ રહેતી 5 વર્ષની બાળકીને ચોકલેટ-બિસ્કીટ અપાવવાના બહાને લલચાવી પોતાની સાથે લઇ ગયો હતો. પોતાના ઘરે શૌચાલયમાં તેણે બાળકી સાથે દુષ્કર્મ આચર્યું હતું. જોકે, યુવાનની બહેને બાળકીની રોકકડ સાંભળી તેને બહાર કાઢી તેના પરિવારને સોંપ્યાં બાદ બાળકીના માતા-પિતાને તેની સાથે લાલુ રાજુ બિહારીએ દુષ્કર્મ કર્યું હોવાની જાણ થતાં પરિવાર રોષે ભરાયો હતો.

બાળકીના પિતાએ લાલુ બિહારીને લાકડીના સપાટાથી માર મારતાં તેને ગંભીર હાલતમાં ભરૂચની સિવિલ હોસ્પિટલમાં ખસેડવામાં આવ્યો હતો. જ્યાં તેનું સારવાર વેળાં મોત નીપજ્યું હતું. ઘટનાને પગલે અંક્લેશ્વર શહેર પોલીસે પ્રાથમિક વિગતોના આધારે બાળકી સાથે દુષ્કર્મ આચરવાના ગુનામાં મૃતક લાલુ બિહારી વિરૂદ્ધ પોક્સો અને દુષ્કર્મની કલમ હેઠળ ગુનો નોંધ્યો હતો. ઉપરાંત પુત્રી સાથે દુષ્કર્મ કરનાર લાલુને માર મારતાં તેનું મૃત્યુ થયું હોઇ પિતા સામે પણ હત્યાનો ગુનો નોંધ્યો છે.

યુવાને કયાં સંજોગોમાં દુષ્કર્મ આચર્યું તેની તપાસ શરૂ
માસુમ બાળકી પર દુષ્કર્મ કરનાર યુવાન સામે હાલમાં પોક્સો અને દુષ્કર્મની કલમ હેઠળ ગુનો નોંધાયો છે. જ્યારે પુત્રી સાથે બનેલી ઘટનાથી રોષે ભરાયેલાં પિતાએ યુવાનને માર મારતાં તેનું મૃત્યુ થતાં હત્યાનો ગુનો પણ નોંધાયો છે. ત્યારે બન્ને ઘટનાઓમાં તપાસ ચાલી રહી છે. યુવાને કયાં સંજોગોમાં દુષ્કર્મ આચર્યું તેની પણ તપાસ ચાલી રહી છે. – ચિરાગ દેસાઇ, ડીવાયએસપી

બાળ અધિકાર દિવસે જ બાળકી પર દુષ્કર્મ ગુજારાયું
અંક્લેશ્વરમાં ગઇકાલે શુક્રવારે બાળ અધિકાર દિવસે જ દુષ્કર્મના બે કેસ નોંધાયાં હતાં. જેમાં એક સગીરાને તેના મિત્રએ દારૂના નશામાં શારીરિક અડપલાં કર્યાની ફરિયાદ નોંધાઇ હતી. જ્યારે અંક્લેશ્વરના જ એક ગ્રામ્ય વિસ્તારમાં 5 વર્ષની બાળકીને તેના જ પાડોશીએ બિસ્કીટ-ચોકલેટની લાલચ આપી લઇ જઇ દુષ્કર્મ આચર્યું હતું.

આરોપીની બહેને બાળકીનો રડવાનો અવાજ સાંભળ્યો હતો
માત્ર 5 વર્ષની બાળકી પર યુવાને દુષ્કર્મ આચર્યું હોવાની ઘટનામાં પોલીસ તમામ પાસા તપાસી રહી છે. ત્યારે પ્રાથમિક તબક્કે આરોપી યુવાને બાળકીને લાલચ આપી પોતાની સાથે લઇ આવી શૌચાલયમાં તેની સાથે દુષ્કર્મ આચર્યું હતું. જોકે, બાળકીએ ઘટનાથી ડઘાઇ જઇ રોકકડ કરતાં આરોપીની બહેને તેને તેને બહાર કાઢી તેના પરિવારને સોંપી હતી.

સ્થાનિક લોકોની બાળકીના પિતા પ્રત્યે સહાનુભૂતિ
પુત્રી સાથે દુષ્કર્મ થતાં પિતાએ તેને લાકડીના સપાટા મારતાં તેનું મોત થયું છે. ત્યારે છાસવારે બનતી આ પ્રકારની ઘટનાઓને લઇને લોકોમાં રોષ ફેલાયો છે. પિતાએ યુવાનને માર મારતાં તેનું સારવાર વેળાં મોત થતાં એક તરફ પુત્રીની ઇજ્જત ગુમાવ્યાં બાદ હવે તેમની સામે હત્યાનો ગુનો નોંધાતાં ધરપકડ થતાં બેવડા આઘાતમાં સરી પડ્યા હતા.

संबंधित पोस्ट

દર્દીઓને ઘરમાં દિવાળી ઉજવાતી હોવાનો અહેસાસ કરાવવા નર્સ બહેનો એ સલામતી ની તકેદારીઓ પાળી અને ભારતીય પરંપરા પ્રમાણે સાડી પહેરી કોરોના વોર્ડમાં દીપ પ્રગટાવ્યા

Vande Gujarat News

मथुरा श्रीकृष्ण जन्मभूमि मामले की 10 दिसम्बर को होगी अगली सुनवाई

Vande Gujarat News

अब बिहार में सिपाही और SI बन सकेंगे किन्नर, शारीरिक मापदंड-दक्षता रहेगी महिलाओं जैसी

Vande Gujarat News

અમેરિકાની વિવિધ ચૂંટણીમાં પાંચ મહિલાઓ સહિત 14 ભારતીય અમેરિકનો જીત્યા – સેનેટ અને રાજ્યોની વિધાનસભાઓમાં ભારતીયો વિજેતા

Vande Gujarat News

रोहिंग्या मुसलमानों को भासन चार द्वीप भेजना जारी, आज रवाना होगा 1776 शरणार्थियों का दूसरा जत्था

Vande Gujarat News

બેન્ક ઓફ બરોડાએ જમા-ઉપાડ પર ચાર્જનો નિર્ણય પાછો ખેંચવો પડયો – માસિક ત્રણથી વધુ વખતના જમા-ઉપાડ પર ચાર્જના નિર્ણયથી હોબાળો

Vande Gujarat News