દમણ દીવ પ્રદેશ કોંગ્રેસ અધ્યક્ષ કેતન પટેલે અહેમદભાઈના પરિવારની મુલાકાત લીધી

મર્હૂમ અહેમદભાઈ ના પુત્ર ફૈઝલ પટેલ સાથે મુલાકાત કરી સાંત્વના પાઠવી

કેયુર પાઠક – દમણ-દીવ પ્રદેશ કોંગ્રેસ અધ્યક્ષ કેતન પટેલે શનિવારના રોજ અંકલેશ્વરના પિરામણ ગામ ખાતે મર્હુમ અહેમદભાઈ પટેલના નિવાસ સ્થાને તેમના પુત્ર સાથે મુલાકાત કરી હતી.

કેતન પટેલે અહેમદભાઈ ના નિધન અંગે શોક વ્યક્ત કર્યો હતો અને ફૈઝલ પટેલ સાથે તેમના પરિવારજનોની મુલાકાત લઈને સાંત્વના આપી હતી. તેમણે જણાવ્યું હતું કે અહેમદભાઈ પટેલના નિધનથી કોંગ્રેસે જ નહીં પરંતુ રાષ્ટ્રએ પણ એક ઉચ્ચ વ્યક્તિત્વ તેમ જ એક સાચો સમાજસેવક ગુમાવ્યો છે. તેઓની ખોટ કદી પણ ભરપાઈ થઈ શકે એમ નથી.