સૌરાષ્ટ્રના સોમનાથ જ્યોતિર્લિંગના દર્શન કરીને માતા-પિતા પાસે પરત આવતા સુરતના ડોકટરે સાસણગીરના જંગલમાં દેવદૂત બની વૃદ્ધ મહિલાનો જીવ બચાવ્યો છે. વૃદ્ધ મહિલાનું હૃદય અચાનક બંધ થઈ ગયું અને તે બાઇક પરથી પડીને બેહોશ થઈ ગઈ. સુરતના ગીચ જંગલમાં વૃદ્ધ મહિલાની સારવારનો ડો.રાજેશ પ્રજાપતિનો વીડિયો પણ વાયરલ થયો છે.
સુરતના ક્રિટિકલ કેર ના નિષ્ણાત ડો.રાજેશ પ્રજાપતિ પોતાના માતા-પિતાને સૌરાષ્ટ્રના સોમનાથ મંદિરના દર્શને લઇ ગયા હતા અને પરત ફરી રહ્યા હતા. દરમિયાન સાસણગીર અને તાલાલાના ગાઢ જંગલની વચ્ચે બાઇક પર બેઠેલી વૃદ્ધ મહિલા પોતાની કારની સામે અચાનક નીચે પડી ગઈ હતી.આ જોઈને ડો.પ્રજાપતિ કાર રોકીને તેની પાસે પહોંચ્યા અને ત્યાં સુધીમાં વૃદ્ધ મહિલાની નાડી ઠંડી થઈ ગઈ હતી અને ધબકારા પણ બંધ થઈ ગયા હતા.
આ જોઈને ડો.રાજેશ પ્રજાપતિએ તરત જ વૃદ્ધ મહિલાને CPR (કાર્ડિયો પલ્મોનરી રેસ્ક્યૂ) આપવાનું શરૂ કર્યું. લગભગ 10-12 મિનિટ પછી, બેભાન અવસ્થામાં પડેલી વૃદ્ધ મહિલાએ થોડી હલવાની શરૂઆત કરી અને તે થોડી મહેનત કરીને બેસી ગઈ. આ સમય દરમિયાન, ત્યાંથી પસાર થતા લોકોનું ટોળું એકઠા થઈ ગયું હતું અને કેટલાક લોકોએ મોબાઈલમાં વીડિયો બનાવ્યા હતા અને આ વીડિયો વાયરલ થયા હતા. વૃદ્ધ મહિલાને પાછળથી ખાંડ અને ચોકલેટ-ટોફી આપવામાં આવી હતી અને સ્થળ પર એમ્બ્યુલન્સ પહોંચ્યા બાદ તરત તલાલાની સરકારી હોસ્પિટલમાં લઈ જવામાં આવી હતી.
આ અંગે ડો.રાજેશ પ્રજાપતિને જ્યારે પૂછવામાં આવ્યું ત્યારે તેમણે કહ્યું કે અચાનક આંખો સામે બનેલી ઘટનાને કારણે વૃદ્ધ મહિલાને તરત જ CPRની સારવાર મળી, નહીં તો બોવ મોટી મુશ્કેલી ઉભી થઈ શકતી હતી. આ બધું એટલી ઝડપથી બન્યું કે તે તેના વિશે કોઈ ઓપચારિક પૂછપરછ પણ કરી શક્યો નહીં, ફક્ત ખુશી છે કે મારા 10-12 મિનિટના પ્રયત્નો પછી તેમના ધબકારા પાછા આવ્યા. ત્યારબાદ તેણીને એમ્બ્યુલન્સ દ્વારા તલાલાની હોસ્પિટલમાં લઈ જવામાં આવી હતી, જ્યાંથી તે સ્વસ્થ થઈ ઘરે પરત આવી હતી.
શું હોય છે CPR?
કાર્ડિયો પલ્મોનરી રિસોસિટેશન પદ્ધતિ એટલે CPR હાર્ટ એટેકને કારણે હૃદય અને મગજમાં લોહીના બંધ પ્રવાહને જાળવવા માટે કટોકટી ના સમયે આપવામાં આવતી પદ્ધતિ છે. સુરતના અડાજણની રેડ ક્રોસ બ્લડ બેંકમાં લોકોને તેના વિશે તાલીમ આપવામાં આવે છે. જેથી તેઓ અચાનક આપત્તિ દરમિયાન CPR પદ્ધતિ દ્વારા વ્યક્તિનું જીવન બચાવી શકે. અન્ય તબીબી સંગઠનો પણ લોકોને સમાન પ્રશિક્ષણ આપે છે.
